Sweet Indian ! भारत गणराज्य

من الفوتوشوب .. الى البلوق ..

جاء فى اسطورة هندية
ان الله عندما خلق المرأة استعان بخفة الريش وتلفت الغزال واشراقة الشمس ورطوبة الندى وتقلب الرياح ووداعة الحمل وصلابة الألماس وحلاوة الشهد وشراسة النمر وحرارة النار وبرودة الثلج
ثم مزج هذه العناصر جميعها فكانت .
المرأة

Cuz I gotta a busy-untidy mind!!

Hello people!

In this post I just want to tell you that:

I tried to do a mind map for what I’m thinking about @ the moment and I discovered that I really need to organize some thoughts in my head 😛

Hehehe but I think that they will be organized when I start uni inshallah 😉

See Yaaaah 😀

 

am i a bloger ? I answered ;)

سلاااام .. هذا البوست جاء رد للأخ الذي يحلم بأن يكون نملة “نمول”

http://namoool.blogspot.com/2009/10/blog-post.html

و الله خوش أمنية يا نمول .. مادريت أشسببها .. بكمل قراءة مدونتك و يمكن أكتشف D: 

Enjoyyyy it ppl 

اسم مدونتك  

المعنى وسبب اختياره ؟

أسم مدونتي مثل ما انتوا شايفين في البنر .. Bashayer Arts

أو فنون بشاير .. سبب الإختيار أهو محتوى المدونة .. لأني راح أعرض فيها إنشالله رسوماتي و فنوني المحتلفة

D:

الجنس ؟

أنثى .. “مولودة يعدين طفلة ثم مراهقة من ثم شابة و مستقبلا عجوزة “

 في ميل 😛

لماذا تدون ؟

 لغرض سري و خاص في نفسي الغامضة ههههههههههههه لا لا اشدعوة ..

أحب أدون عشان وايد أسباب .. أكون لي صداقات حول العالم

أعرف أراء الناس بشغلي

أفضفض

تكون لي بصمة في الشبكة العنكبوتية .. ^_^

اذا احد سألني عن نفسي أعطيه لنك المدونة و أفتك خخخ 

لمن تدون ؟

لكم.. لكل من يريد أن يتعرف على شخصي الكرريم P: 

عن ماذا تدون ؟

عن هواياتي و يومياتي
و ساعات تخاريفي ! 

قدوتك في الحياة ؟

لا أحد معين .. أتخذ من كل شخص ناجح و مميز قدوة لي في الحياة! 

هدفك في الحياة ؟

أفعل الأمور بشكل جيد و لا أقع في أخطائي السابقة 

اوصف نفسك بسطرين ؟

باقي لي وايد عشان اتعلم من هالدنيا و كل ماعرفت شي اكتشفت اشقد كنت جاهلة .. افقي واسع و أحاول التأقلم مع الظروف مهما أختلفت أو صعبت.. على الأقل هذا ماقيل عني!  

اكثر صفه تنطبق عليك ؟

مزاجية 

كاتبك او آديبك المفضل ؟

لا أقرأ كثيرا  

شاعرك المفضل ؟

عبدالرحمن رفيع ؟ يذكرني بواحد من شياب العايلة خخخخ 

اين ترى نفس بعد ١٠ سنوات ؟
اشتغل في وظيفة تناسب دراستي .. و توني محصلة ترقية و مسافرة في رحلة عمل خخخخ  

كلمة لقراء مدونتك ؟

الفيد بااااك .. هالله هالله بالفيييد باااااك 😛

 

شكر ا .. شكرا جزيلا 3>

ون تو ثري .. اكشن .. ستووب .. لا لا اكشن مرة ثانية XD

 

اممم تقدرون تقولون عني اليوم هاذي قاعدة تكتب لمجرد الكتابة .. ممكن يكون في هذا الكلام شي من الصحة و ترة معاي الحق لأني قاعدة أجرب روحي بالهذرة و التدوين مع النيو ستارت مالتي خخخ

زين بهالمناسبة خلنا نطرطش بالكلام .. يعني نقول طراطيش كلام و ما نعطي زبدة << من زود اللعانة ..

يالله بسولف لكم عن مغامراتي في عطلة الصيف هاذي .. شسويت و شصار لي و أشخططت و شنو الي الله كان كاتبه ,

طبعا قبل لا يبدي الصيف لازم يكون أكو امتحانات نهائية تخلي الطالب يلعن اليوم الي انولد فيه خخخ و الامتحانات لازم تكون محطوطة في جدول مضغوط و ماكو قبله فجة للدراسة كيف لا و الوطن تمثله وزارة التربية يسعى لتخريج جيل قوي دراسيا و أكاديما و علميا ؟ لا… كلا … ليس من حقي ان اتحلطم ! يجب ان ادرس فقط و احمد ربي انها امتحانات اخر سنة دراسية لي في الثانوية و من ثم اودع كتب الحياا و الكيم و الفيز و الريض “اخر مادتين ليس تماما” بس اهم شي اني راح افتك مما يسمى بالأجا خخخخ يعني اجتماعيات ..

تمضي بنا الايام من بعد الامتحانات ليأتي الإعلان الرسمي لنتائج الثانوية العامة و هو اليوم الموعود والي امي دايما تقول عنه المثل الشهير: “الي في الجدر بيطلع الملاس” و طبعا هاي المثل قيل لي مرار و تكرارا لان على الرغم من انني المفروض وحدة مجتهدة و طالبة تخاف على درجاتها الا اني اقص على روحي مرات عديدة و من أبرزها المرة الي كان عندي فيها امتحان أحياء نهائي عقب الويك اند و حضرتي قررت اسافر في هالويك اند الكويت”انا ام الشيم و الحواس مايصير خالتي تولد و ماروح اسلم عليها و أطمئن على الياهل” طبعا ما يصير فيني هالإحساس إلا حزة الإمتحانات .. لكن مييييين الأم و الأبو الي يخلون بنتهم أتسافر في الويك اند ماقبل النهائي ؟ رحت قلت لهم اني بادرس في السيارة و الدرب طويل من مملكتنا الغالية الى كويتنا الشقيقة و طبعا مادرست ..بل طقيتها نومة و ماعتقد تبون تعرفون شسويت في الامتحان XD !

ماضي و راح .. أهم شي النتيجة النهائية .. و تخرجناا من الثنوية و يبنا هالمعدل الخوش .. الحمدلله عليه “إمتياز عال” و بدأ الإستعداد حق الحفلات و التطبل و البرابقندات الإعلامية خخخ  و يالله روحي بروفات حفلة الشيخ خليفة .. الي راح تكون بدون الشيخ خليفة  .. ليش ؟؟ يقولكم عدد المتفوقين وايد هالسنة و بيسوونها حفلتين .. وحدة حق الي فوق ­السبع و تسعين”بحضور رئيس الوزارء” و الثانية حق الي 95 لي 96.9 “بحضور وزير التربية نيابة عن رئيس الوزارء” .. قلنا يالله ماعليه أهم شي نفس البرنامج مال الحفلة و نفس الروب و نفس الشهادة خخخخ و حضرنا الحفلة و صورنا فيهاا و يات وراها حفلة التخرج الي صاارت “مو” في صالة وزارة التربية و التعليم .. ليش ؟؟ ما لقوا حجز ! ” يبون واسطة” لهذا السبب الحفلة صارت “كجرة” و لخبطة خخخ و احلى شي البنات الي عبالهم بيتفننون و راح شروا قطعة خلق شيفون ذهبية عشان يازعم تناسب الروب مال التخرج عدل مدل .. لكن في الحفلة الي صار انه شيلاتهم صارت متطابقة تماما مع مفارش الطاولات الي تارسة القاعة خخخخ يعني بالأحرى نفس الخلق بالضبط خخخخ …. كسروا خاطري لكن أية عليهم يبون يكشخوون !

و صورنا في اخبار الخليج و الايام و الوسط و الوطن و الوقت بدون مانفكر بوجهات الجرايد السياسية و الاجتماعية .. نبي نصير مشهورين و السلام واهههه .. لكن جريدة الوقت ما قصروا الصراحة .. رحت لهم ويا اخواني و خواتي اصور “كلنا لابسين نفس اللون بعد يازعم حركات” ماااجوف الا عقب يوم حطونا في ملحق المتفوقين و لكن قاصين اخواني و مو مخليني الا انة و اختي الصغيره خخخ “يمكن أخواني مو (فوتوجونيك)” من جذي ما عجبوهم ههه اي شي .. أحبطنا الصراحة و حسيت بالذنب معني مو قاصة شي هع هع <<< جب و حمدي ربج مسوين لكم ملحق في جريدتهم يا متفوقوا الوووطن

و بدينا نفكر في خطة البعثات لهذه السنة ….. نزلوا الخطة و الكل زعلان و محبط و انا الوحيدة الي متشققة و مستانسة و محتارة من كثر البعثات الي مادري شاختار منها “الحيرة ذابحتني” و الكل يطالعني و مستغرب … تدرون ليش ؟ رفيجيتي الذكية عطتني اللنك مال بعثات اللعام !! و انا قريت عليها العام الدراسي 2008-2009 صار عبالي هاي لنا ! مادريت انه لازم يكون 2009-2010 !!  لا و القهر اني نشرت اللنك بدوري و الجميع استغرب عدم تطابق الموجود في اللنك مع المنشور في الصحف المحلية و تحلطمنا على جرايدنا شفيهم كله اغلاط مطبعية ! ههههههههههههههههه

ترة صج صيفي كان كله سوالف تحديد مصير و مستقبل و بعثات و مقارنة بين المعدلات لكن الحمدلله سافرت رحت لبنان و سوريا و الكويت صج صج حسيت روحي بن بطوطة لابس قناع عن السواين فلووو … بس ما لبسته وايد لأني شكلي كان انتيكة خخخخ و لاني طولت بما فيه الكفاية و لازم ما اقرق زوود عن روحاتي و يياتي هاذي صورة فنتكية التقطتها و انا اجوب شوارع لبنان المحبة و بالتحديد شارع الحمرا

 

أخيراا ممكن تقولون وين الارت في هالبوست ؟ جوابي .. موب شرط أهم شي We get to know each other  هع <<< حدي عيارة

لا تنسون  ادعوا لي كل شي يتم على خير و نهايتي تكون سعيدة و يالله حسن الخاتمة 😛

تحياتي الحمراء القانية

It’s a new start :)

 

 

قالوا:

بشاير ليش ماترسمين ؟ بشاير ليش هونتي ؟

بوشو “يدلعوني” لا تهدين الرسم ! 

قاللت:

بشاير ما هونت و لا هدت و لا بتهد ولا راح تبتعد .. بشاير بس كانت  محتاجة وقت

ترتب فيه أوراقها و تعيد الحسابات ..

و ألحين رجعت .. عقب مامسحت كل البوستات القديمة

بحلة جديدة .. حياة جديدة .. كيمرة جديدة بعد :p

و انشالله تكون عودة تبيض الويه

كونوا ويانا 😀