About

 

   

أممممم يعني لازم أعرف عن نفسي ألحين ؟ مالي خلق ! لا لا لي خلق بس اتغشمر خخخ

زين .. أنا بشاير المهدي … بحرينية و مواليدي ثمانية – خمسة – واحد و تسعين , يقولون سموني بشاير لأني صدام طلع من الكويت و خلص الغزو على الدولة الشقيقة .. يعني يوم يابوني كنت ويه خير على بيتنا و على الخليج ! و الله زين , إحنا وايد محتاجين حق الخير و الأخبار الطيبة في هالزمن و في كل زمن .. سمعتوا ؟ يعني انتوا محتاجيني هههههههه <<< جوف الثقة

الزبدة ؟ اذا كنتوا قاعدين تقرأون هاي الكلام يعني أكيد لكم إهتمامات في الفن.. تمارسونه ,, تنتقدونه ,, تتقنونه,,تحبونه ,, أوو بس جذي قاعدين تطالعون .. المهم أنكم لازم تعرفون اني وحدة أحب أرسم وااايد !  من يوم كنتي صغيرة حتى ربعي ساعات صاروا ما يقدرون يتخيلون شكلي بدون الكراسة و القلم ..

أحب أرسم ويوه (وجوه) أو الي يسمونه فن البورتريت .. و كله أرسم بنات خخخ الي يتابع رسمي يلاحظ ملاحظتين .. الأولى انه معظم البنات الي أرسمهم يشابهوني ! و الثانية إني ما أرسم شي غير البنات !  ساعات أضطر ارسم في مواضيع ثانية .. و كل مرة تنقلب رسمتي الي رسم سريالي خخخخ

حياتي مع الرسم شي جميل .. تبلورت شخصيتي على فني .. ما أقولكم محد موهوب قدي و فني يكسر الدنيا بس الشي الوحيد الي أعرفه إني أحب الي قاعدة أسويه ! و أسويه للمتعة و الإحساس بالإنتعاش لا غير .. ساعات يكون عندي كلام وايد  و مابي أثقل قلوب الأوادم فيه فأضطر أفضفض حق كراستي و اهي دايما تفهمني و تقدرني … و اذا كثرت بالكلام ساعات ترد علي و تطمني  و نصير ربع خخخ بس ياكثر ربعي الكراسات ! عندي كرتونين أكبار كلهم كراسات الفضفضة هع هع !!

لي هني و أظن أنه الهذرة زاادت .. يمكن تزيد زيادة بعدين خخ ماتدرون 😛

اوووه نسيت شي .. طبعا أكيد بتتسائلون من الحجية الي مرتزة فوق في بداية الكلام .. أحب أبشركم انه هذي انة في إحدى سنوات الطفولة و إن دل على شي راح يدل على كل شي 😉

28 Responses to “About”

  1. Sarah Says:

    Keep it up!

  2. Abdullah Al-Driaan Says:

    Nice work 🙂

    good luck & keep it up

  3. Mrs Hanan Says:

    wish u all best .
    You English Teacher

  4. Bashayer Says:

    hello all
    verey nice to see your comments!!!!!!

  5. Latifa beebee's friend Says:

    Wow 7ada coool btawfee8 7abeebty 🙂

    a7la shy kan al-rasm 3ala al 6ooofa

    🙂

  6. حمد الغائب Says:

    ويحه من إعلام ظالم هذا الذي يطمس فنون شاباتنا … ويالها من صدفة جميلة لأصل الى موقع جميل بريشة أنثوية جميلة ..

    حمد الغائب

  7. Bashayer Says:

    الأخت لطيفة ..
    كل الشكر لكِ و لهذا التشجيع الي أعتز فيه بصراحة!

    الأستاذ حمد الغايب ..
    شرف كبير لي في الواقع أن أرى ردك في مدونتي المتواضعة ..
    فأنت فنان كاركتير لامع و مميز الأسلوب و الأفكار ..
    و أعلم أنني أحاول قدر المستطاع في تنمية هذه الموهبة لدي من خلال المشاركة في الانشطة و الفعاليات المختلفة بالإضافة إلى الإختلاط بمن لديهم الخبرة و الموهبة كلما سنحت الفرصة ..
    شكرا لك على هذا الإطراء ..كنت دوما هناا.. تحياتي

  8. hind Says:

    يعطيك العافيه اخوي

    وحبيت اعطك فكره عن موقعي

    http://www.frs.ms

    نفس الفلكر بس يضم اكثر من هوايه

    اتمني من كل الرسامين يشرفوني من الكويت وباقي الدول العربيه

  9. نور الشامسي Says:

    هاي بشورة …..
    طبعا اهنيج على شخصيتج اللي يقل وجودها في الزمن وانا اتنبأ لج بمستقبل زاهر بأذن الله تعالى
    وتأكدي بأنني الاخت والصديقة التي تشد على ازرك في اي وقت تحتاجيني فيه وتأكدي كذلك بأنك تملكين انامل ذهبية لها بصمتها على اللوحات الفنية الرائعه
    مع خالص حبي واحترامي وتحياتي ،،،،،،
    توست ماستر – نور الشامسي
    🙂

  10. noof Says:

    السلام عليكم
    تتذكريني بشاير كنت معاج في الابتدائي
    موهبتج تطورت بدرجة كبيرة
    و حلو اهتمامج بها و محاولتج تنميتها
    اتمنى لج كل التوفيق
    نوف

  11. fatima aloraiabi Says:

    hi sis

    very nice drawing!

    🙂

    keep it up

    hope to see ya a big artist!!

    😉

  12. jaan albalushi Says:

    great paintings,,,,

    u have a bright future,,,,

    keep it up

    jaan albalushi

  13. Mohammad Daher Says:

    AMAZING WORK

  14. فيصل Says:

    ماشاءالله عليج خوش سايت والى الامام

  15. Zainab Al_Akrawi Says:

    how greatful I’m to know an ambitious girl like you
    keep it up

    ur friend in the Modern Institute 😛

  16. Fawzi Says:

    فالك التوفيق يا رب
    اخوك فوزي من الاحساء

  17. سلفادور Says:

    السلام عليكم ورحمة الله وبركاته
    اللهم صلِ على محمد وآلِ محمد وعجل فرجهم الشريف
    واللعن الدائم والظلام الآثم على أعدائهم أجمعين من الأولين والآخرين

    كنا نبحث عبر محرك البحث ووفقنا المولى برؤية هذه المدونة المباركة
    سيرة مباركة وأعمال جميلة نتمنى لكم الموفقية والاستمرار في الابداع

    فالطريق أمامكم واصلوا لتصلوا إن شاء الله تعالى

    تحياتي واحتراماتي

    خادمكم / سلفادور

  18. راشد الكواري Says:

    احب اهنيج على هالمدونة الحلوة و على نشاطج مشالله عليج
    وبدايتج وايد قوية

    بس يبيلها صبر علشان توصلين للي تبينه ويطلع لج صيت وانتشار على مستوى المنطقة انشالله وانشوفج فنانة واسم يعتد فيه بين اسامي الكبارية في عالم الفن

    اتمنى لج كل توفيق

    اخوج الصغير

  19. Your Aunt Says:

    بوشو..ما أمداج صرتي جامعية
    هههههههههههههههههههههههههههههه

    بالتوفيق حبيبتي

    Keep up the fantastic work :o)

    خالتج هدى

  20. Maryam bint 3am ummich o obooch Says:

    You’re brilliant 😉

  21. Bashayer Arts Says:

    A huge Thankyaw to you all 😀

  22. أم بهاء Says:

    عساج ع القوة بوشو
    انتي من زمان مبدعة وفنانة
    أكيد
    لأنج طالعة علي
    الله يوفقج يارب

  23. استاذ حمام Says:

    ويهج دوم خير على الكويت انشالله.. بس صدام طلع من الكويت بتاريخ 26/2/1991

    حبيت اصحح.. ولا شك انج بشارة لنا وللخليج كله انشالله.

  24. Bashayer Arts Says:

    أم البهاء .. خخخخ اية عليج
    انشالله دايما طالعة علييج عيل:P

    أستاذ حمام …. شكرا جزيلا على الرد
    خخخخخ هاي الكلام الي قالوا لي اياه بيتنا 😛
    بس اكيد يعني في هالفترة امي كانت حامل فيني و كنت مواكبة وياها الحدث من داخل بطنها .. و لأن إحنا نموت في الشعب الكويتي الشقيق فحتى لو نولدت عقب فترة بيسموني بشاير لأنهم للحين فرحانين 😉

  25. رسم السطور Says:

    انا من متابعين رسوماتج بإستمرار وجفت لج مره لقاء في الجريده الله يوفقج ان شاء الله وتكونين من افضل الرسامين المشهورين

  26. fatima Says:

    يعني بوشو أنتي من كنتي صغيرة و أنتي ترسمين

  27. 286 Days Says:

    Hello.
    I just happened to stumble upon your blog while randomly searching for “bashayer” on google,
    and just wanted to say that I like how unique your art is. for I am an artist myself, so I thought i’d say.

    But anyways, there’s something I’m curious about…
    Do you go to an art university ? If so, is it in kuwait, or.. ? and what is it called ? (if you don’t mind me asking)..

    It’s alright if you want to keep such personal information a secret from the internet. I’ll understand. 🙂

    Thanks in advance~

  28. Luther Says:

    You post very interesting posts here. Your blog deserves
    much bigger audience. It can go viral if you give it initial boost, i
    know very useful service that can help you, just type in google:
    svetsern traffic tips

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: